lunes, 31 de julio de 2017

DESAFIO SOMIEDO

UN FOTOGRAFO PERDIDO POR LAS CARRERA
DESAFIO SOMIEDO
13.ª ENTRADA EN EL BLOG


Nun yera la fecha mas aparente para la mio esta del Desafíu Somiedu, l'azar quixo que coincidiera con una celebración (boda) de dos NOTEOXIDES.......GURÚ Y NAZA y celebraríase na mesma fecha a les 5 de la tarde en Guijón, esto condicionaría'l  poder asistir a la Ultra y tendríame que conformar col Maratón.
De toes formes el planteamientu yera claru, viaxe de Vienres para esfrutar del ambiente pre carrera, y vuelta el Sábadu a les 2 de la tarde.
Nada, imposible, tampoco funciono la planificación y el Vienres imposible de viaxar, ensin otra opción quedaba madrugar.
Tres y media de la mañana y nel Sansung suena la melodía escoyida como espertador para esi día... ( LLEVANTA BROTU QU'EL OSU ESPÉRATE )......Trés veces repitióse antes de consiguir el so oxetivu y fixéra-y casu. Un pocu d'agua como los gatos y a preparar tazón de Cola Cao con galletes Campurrianes, una bona masa y p'adientro que'l tiempu apremia.

Que me pongo?.....Miro y pienso....Vaqueros o vaqueros?....Pues eso vaqueros, camiseta o camiseta....Pues eso camiseta!....Arreglao
Cuatro y venti y yá nel coche veo que toi baxu mínimos en cuestión de carburante, vuelta al SANSUNG y que papa Google atópeme una estación de serviciu 24h. Nun fue na difícil y cuando el reló marcaba les menos 25 yá m'atopaba en disposición d'entamar al fin la ruta.

Viaxe guapu este de Guijón Pola de Somiedu, pasáu Belmonte da gustu circular per esa carretera y mas de nueche entá si nun yes propensu al maréu.
Sobre los seis llego a Pola, y aparco nun prau que la organización atina a poner pa poder dexar el coche ya que ta complicáu aparcar na zona pola por la arribación de xente qu'allega a esta carrera, buenu pos yá tamos equí, poco movimientu poles cais y decisión atinada la d'averame a casa Miño a tomar cafetín reparador y quita suaños.

Nada mas entrar veo apoyau na barra al amigu Lastra que tamién madruga como les pites, y ponemos a falar de la carrera, onde vela, quien participa, ambiente y toes eses coses que son comunes antes de cualquier prueba.
Entra l'amigu Xuan Calderon que participa na Ultra y xúnese a la conversación y al café (Que por cierto pagu)...Gracies Xuan.
Paséu a la llínea de salida y l'ambiente va creciendo a midida que el tiempu avera a la hora marcada.Saludos pequí y per allá, y visita al preciosu arcu de salida propiu del mundial de rallys, que-y da a la prueba una apariencia  estraordinaria, un  aciertu mas.
Un espectáculu esfrutar en vivu d'esti momentu. Espunta'l día y pónense en marcha un montón de mozos atletes a los que-yos queda una bona Kilometrada per delantre y cola ilusión de siquier terminar la prueba.
Como les condiciones de lluz son males y el Flax sueleu llevar d'adornu decido nun faer nenguna semeya y si un video de la salida cola cámara que trai en Tlf qu'a falta d'otra cosa meyor siempres saca d'un apuru.

Con tol pexe vendíu equí, recueyo'l coche y empiezo l'ascensión a Valle Llagu onde va salir el Maratón que ye'l mio oxetivu del día.
Preciosa carretera de monte para gozu y esfrute de los que por ella transitamos.
Llegada al pueblu y como yera d'esperar nin un sitiu para dexar bien aparcáu siquier o medianamente bien  aparcáu'l coche. Toca pasar les cases y aparcar n'unu de los dos sitios qu'hai a la salida y que yá tienen una bona cantidá de places ocupaes.

Ando para embaxo para llegar a Casa Cobrana, llugar de salida d'esti maratón montañera y que yá tien ambiente. Entro nel chigre ( al que porcierto instále-y les puertes fai mas de 15 años) y dempués de cercionarme que nenguna ta pol suelu avero a la barra para tomar el segundu café del día esta vez acompañáu por Carlos Llerandi y Pablo Ibáñez.
Yá pola terraza mas saludos y conversaciones de les que nos empresten a toos y alguna fotaca a el corredores que s'amuesen nerviosos cada vez que s'avera la hora de salida. Una ratada con Ronquillo y Copete, unes cuantes semeyes mas, charra con un Sevillanu que corría col so pequeñu perru, semeyes a los gaiteros y camín a un pequenu llavaderu a 300 metros para poder faer les semeyes del grupu cuando sala dende una posición elevada.

Bonu pos yá esta. Per delantre del mio pasen una bona cantidá de corredores, el que mas y el que menos cola ilusión de rematar la carrera o siquier terminala cola menor gastadura posible,el dia barruntaba calor a monton.
Una vez pasaos toos ye hora de volver al coche para entamar el trayectu que me llevaría al Altu de la Farrapona, llugar nel que tenia la intención de fotografiar a toos el corredores del maratón por que tuvieren una alcordanza d'esi
día por esi paso.

Yá nel altu, la cosa para aparcar vuelve complicase, pese qu'hai unes cuantes places d'aparcamientu la cosa yá non esta fácil. Son munchos el siguidores que quieren ver la carrera nesa zona y a la fin mas mal que bien consigo aparcar.
Nada mas salir del coche y averame al control atopo colos amigos del chigre 13/14    con Pilu a la cabeza y que vienen animar a el corredores del Runnercerontes Gijon, saludos de rigor y pista adelantre para llegar al primer llagu primero que lo faiga'l primer corredor.
Como la zona ye preciosa, entretengo en demasía faciendo semeyes al paisaxe y a falta de 100 metros para llegar al mio oxetivu algo parpadea nel visor de la cámara....Cooooooño, la batería!.Nun queda otra, vuelta tras a toa lleche para llegar al coche y pillar xuna de recambiu, que por tar el día como taba, quedu na bolsa pa nun cargar con nada mas que lo puesto.
Vuelta a desandar lo andao y al poco tiempu apaécenme los primeros corredores que paecía teníen priesa, pos yo nun cuntaba con ellos.
D'ende d'equí p'arriba un rosariu d'atletes amigos de les carreres per monte sucedense....CLICK Y MAS CLICK.
Nun llugar del trayectu atopo a JM y los sos amiguetes que vienen en sentíu contrariu a la carrera animando a voces a los corredores. Bona ayuda empréstenme pos los sos berros d'animo saquen les sorrises de un chavales que yá vienen  en plenu esfuerzu.

Cuando quixi dar cuenta yera la hora de tornar, otru maratón en forma de celebración esperábame, tenia que llegar a Gijon, duchina reparadora,camudar la indumentaria montañera pol traxe y la corbata y preparar a esfrutar toa tardar-nueche d'otru tipu d'eventu.

La verdá qu'a la fin tou salio perfectu.....Mañana montuna y nueche bien regada. 26 hores ensin ver la cama de cerca, con unos cuantos Km nes piernes y el Dios Baco na mio cabeza....Pero eso ye otra hestoria.

Pedro Pablo Heres

2 comentarios:

  1. Muxes gracies Pedro yes un grande. Gracies por la foto por el comentariu y por el tu trabayu pa estos fenómenos. Carrera preciosa aunque sólo sea pa seguir porque esti año les lesiones no me dejaron preparar ambiente genial paisaje de postal y amigos sanos.

    ResponderEliminar